Ágætu félagar,

Mánudaginn 7. júní verður aðalfundur Íslenska matsfræðifélagsins haldinn í leikskólanum Laufskálum, Laufrima 9 í Grafarvogi og fundartími er frá kl. 17.15 – 18.30

Dagskrá fundarins:
1.Lögmæti fundarins kannað.
2.Kosning fundarstjóra.
3.Ársskýrsla stjórnar.
4.Ársreikningur lagður fram til samþykktar.
5.Lagabreytingar.  Sjá tillögu stjórnar um lagabreytingu hér að neðan.
6.Kosning stjórnar og skoðunarmanna reikninga (ekki kosning í ár).
7.Önnur mál:
 Starfsáætlun fyrir næsta starfsár.
 Ritaskrá og félagatal á heimasíðu.
 Leiðbeiningar um sjálfsmat fyrir skóla – staðan á verkefninu.
 Fleiri mál sem upp kunna að koma.

Með von um að sem flestir sjái sér fært að mæta,
Stjórnin

Íslenska matsfræðifélagið hélt kynningarfund í Vatnsendaskóla fimmtudaginn 25. mars. Skólastjórnendur Árskóla á Sauðárkróki og Vatnsendaskóla í Kópavogi kynntu sjálfsmat sinna skóla fyrir áhugasömum fundargestum. Við þökkum skólastjórnendum beggja skóla fyrir sitt framlag og einnig viljum við þakka gestum fundarins fyrir komuna. Um tuttugu manns sóttu fundinn.
Glærur frá kynningunni verða settar hér inn um leið og þær berast. 

Þann 25. mars næstkomandi stendur Íslenska matsfræðifélagið fyrir kynningarfundi um innra mat í skólastarfi.
Gestir fundarins verða þau Óskar Björnsson skólastjóri í Árskóla í Skagafirði og Guðrún Soffía Jónasdóttir skólastjóri Vatnsendaskóla í Kópavogi.  Munu þau kynna þær aðferðir sem notaðar eru í Árskóla og Vatnsendaskóla við innra mat á skólastarfinu með sérstakri áherslu á tengsl innra matsins og umbóta í kjölfar þess.
Árskóli hefur hvað mesta reynslu á Íslandi af því að nota skoska matskerfið Gæðagreina, sem Skólaskrifstofa Skagafjarðar þýddi og staðfærði.  Árskóli hefur byggt innra mat sitt á Gæðagreinum frá árinu 1999.
Vatnsendaskóli hefur stundað innra mat á skólastarfinu allt frá stofnun skólans árið 2005.  Innra mat í Vatnsendaskóla byggir á samsettri aðferðafræði sem hefur verið þróuð innan skólans.   
Fundurinn verður haldinn í Vatnsendaskóla í Kópavogi frá klukkan 17.00 – 18.30.  Hann verður í bókasafni skólans á fyrstu hæð, gengið inn um aðalinngang.  Fundurinn er opinn öllum áhugasömum.

Vinsamlega tilkynnið þátttöku á netfangið: Þetta netfang er varið fyrir ruslrafpósti, þú þarft að hafa Javascript virkt til að skoða það

Við viljum vekja athygli á ráðstefnu Evrópska matsfræðifélagsins sem haldin verður í Prag 6. til 8. október 2010. Yfirskrift ráðstefnunnar er Evaluation in Public Interest: Participation, Politics and Policy.
Allar upplýsingar um ráðstefnun má finna á þessari vefslóð http://www.ees2010prague.org/.

Miðvikudaginn 6. maí verður aðalfundur Íslenska matsfræðifélagsins haldinn.  Fundurinn verður í Menntaskólanum í Kópavogi frá kl. 16.00 – 17.30.

 Dagskrá:

Lögmæti fundarins kannað
Kosning fundarstjóra
Ársskýrsla stjórnar
Ársreikningur lagður fram til samþykktar
Lagabreytingar (engar tillögur hafa borist)
Kosning nýrrar stjórnar
Kosning endurskoðenda
Önnur mál
Stefnumótun og starfsáherslur félagsins
Fleiri mál sem upp kunna að koma 

Félagsmenn eru eindregið hvattir til að mæta á aðalfundinn.